Trafikonte klandestinë, arrestohet i riu nga Fushë-Kruja

Një 27-vjeçar është arrestuar nga policia e Dibrës, pasi është kapur duke transportuar pesë emigrantë të paligjshëm kundrejt shpërblimit.

Ky person është kapur nga shërbimet e policisë, në dalje të qytetit të Peshkopisë, në drejtim të Kukësit  me mjetin tip “Jeep”,  duke transportuar 5 emigrantë të paligjshëm, të cilëve kundrejt shpërblimit iu kishte premtuar kalimin në pikën e kalimit kufitar të Morinës, me destinacion më pas drejt vendeve të BE-së.

Janë sekuestruar në cilësinë e provës materiale një shumë parash në euro, disa telefona celularë dhe automjeti që drejtohej nga N. K. Policia njofton se po vijon puna për identifikimin e personave të tjerë të implikuar në këtë aktivitet kriminal.