Një shtetas shqiptar 57-vjeçar është vënë nën hetim nga policia pasi është ndaluar në pikën kufitare të Kakavijës.
Policia bën me dije se gjatë kontrollit në çantën e Qani Hyskës janë gjetur 223 kartëmonedha dhe 585 monedha koleksioni, të cilat nuk i kishte deklaruar sipas përcaktimeve ligjore.
Materialet i kaluan Prokurorisë pranë Gjykatës së Rrethit Gjyqësor Gjirokastër, për veprime të mëtejshme.
Njoftimi i policisë
Kontrolle të shtuara nga Policia Kufitare, për parandalimin dhe goditjen e krimeve ndërkufitare. Sekuestrohen 808 kartëmonedha dhe monedha koleksioni. Procedohet penalisht 57-vjeçari që tentoi t’i trafikonte në Greqi.
Shërbimet e PKK Kakavijë, si rezultat i kontrolleve të shtuara për parandalimin, evidentimin dhe goditjen e trafiqeve të paligjshme, bazuar dhe në analizën e riskut, goditën një rast të tentativës për trafikim të veprave të artit dhe kulturës.
Shërbimet e Policisë, në dalje të RSH-së, gjatë kontrollit të ushtruar në vijën e dytë, në çantën e shtetasit Qani Hyska, gjetën dhe sekuestruan 223 kartëmonedha dhe 585 monedha koleksioni, të cilat nuk i kishte deklaruar sipas përcaktimeve ligjore në fuqi.
Në përfundim të veprimeve procedurale, specialistët e Seksionit për Hetimin e Trafiqeve të Paligjshme dhe Narkotikëve në DVP Gjirokastër referuan materialet në Prokurori dhe nisi procedimi penal në gjendje të lirë për shtetasin Qani Hyska, 57 vjeç, banues në Tiranë, për veprën penale “Trafikimi i veprave të artit dhe kulturës”.
Materialet i kaluan Prokurorisë pranë Gjykatës së Rrethit Gjyqësor Gjirokastër, për veprime të mëtejshme.
Discussion about this post