Gjykata e Lartë rrëzoi rekursin e Arbër Çekajt. Rekursi lidhej me një kallëzim që Çekaj ka bërë ndaj prokurorit të çështjes, prokurorit të SPAK, Ervin Kondili.
Çekaj pretendonte se në dosjen e tij ka një akt të falsifikuar në lidhje me hyrje-daljet e tij në sistemin TIMS. Por, padia e Çekaj është kundërshtuar nga Prokuroria dhe më pas rrëzuar nga dy shkallët e GJKKO-së. Së fundmi ishte Gjykata e Lartë që nuk ka pranuar rekursin.
Pronari i kompanisë “Arbi Garden” u shpall fajtor për trafikimin e sasisë më të madhe të drogës të kapur ndonjëherë në vendin tonë – 613 kg kokainë.
Çekaj u dënua me 21 vite burg, por për shak të gjykimit të shkurtuar atij ju ul 1/3 e dënimit dhe përfundimisht duhet të shlyej 14 vite burg.
Çekaj mohoi edhe njëherë përfshirjen e tij në ngjarjen e 2018, kur brenda një konteineri bananesh u gjetën 613 kg kokainë të ardhura nga Kolumbia, që kaloi nga Italia, në Portin e Durrësit dhe më pas në magazinën e Çekajt.
Në muajin Gusht të vitit 2021, ai tentoi së bashku me Fatmir Pjetrin që të arratiseshin nga burgu 313, por kjo tentativë e tyre rezultoi e dështuar.
Discussion about this post