Tre italianë dhe dy shqiptarë janë dënuar për pjesëmarrje në grup kriminal me qëllim trafikimin ndërkombëtar të lëndëve narkotike dhe mbajtje pa leje të armëve ushtarake. Të pestë ishin arrestuar në kuadër të operacionit “Rosa dei Venti” të zhvilluar kundër një grupi kriminal të përbërë nga Catania dhe shqiptarë.
Grupi ishte përgjegjës për trafikun e marijuanës të importuar nga Shqipëria me destinacion sheshet e farmacive të Katanias, Siracusës dhe Raguzës. Tre shtetasit italianë të dënuar janë Angelo Busaça, Antonino Riela dhe Vincenzo Spampinato. Ndërsa shqiptarët e dënuar janë Nezar Seiti dhe Maridian Sulaj. Hetimet nga Guardia di Finanza çuan në sekuestrimin e rreth 3.5 ton marjiuanë, automatikë kallashnikov dhe arrestimin në flagrancë të 24 korrierëve të drogës.
Hetimet e mëpasshme me policinë shqiptare dhe Interpolin bënë të mundur konstatimin e një trafiku të 4 tonëve drogë të tjera. Sulaj u dënua me 8 vjet burg, Busaça me 6 vjet e 10 muaj burgim, Riela u dënua me 14 vjet e 8 muaj burgim, Seiti u dënua me 6 vjet e 8 muaj burgim, Spampinato u dënua me 9 vjet burg.
Kujtojmë se Nazer Seiti është ekstraduar drejt shtetit Italisë pasi u arrestua më 19 nëntor në Vlorë për llogari të autoriteteve italiane, pasi dyshohet si pjesëtar i grupit të Habilajve të akuzuar për trafik droge bashkë me ish-ministrin e Brendshem, Saimir Tahiri. Ekstradimi i Seitit drejt shtetit fqinj është bërë mëngjesin e sotëm dhe nisja nga aeroporti i Rinasit është bërë rreth orës 11:40. Gjatë dëshmisë së tij, Seiti ka shpjeguar se me familjen Habilaj ka lidhje krushqie.
Discussion about this post