Me vendim të Gjykatës së Posaçme, janë sekuestruar 27 pasuri të vëllezërve Kreshnik dhe Erneo Farruku, pjesë të klanit Farruku. Ndërkohë është hequr sekuestroja për 40 pasuri të tjera.
Dyshohet se pasuritë e sekuestruara kanë ardhur nga paratë e siguruara prej trafikut të drogës dhe pastrimit të parave.
Sipas njoftimit të GJKKO, pasuritë e konfiskuara janë toka bujqësore, apartamente, automjete dhe biznese, të regjistruara në emër të dy vëllezërve Kreshnik dhe Erneo Farrukut, si dhe të afërmve të tyre.
Ndër pasuritë e konfiskuara numërohen disa prona në Tiranë dhe Durrës, apartamente në ndërtesa luksoze, automjete të markave “Mercedes Benz” dhe “Smart”, si dhe bizneset “Eco Energy System” dhe “Rrotull-Beton”.
Dy vëllezërit drejtojnë klanin Farruku, grup që u godit në Spanjë në vitin 2023 pas një megaoperacion kundër trafikut të kokainës.
Kreshnik Farruku, shqiptari me 10 emra, është në burg në Spanjë për trafik droge që prej vitit 2019. Në megaoperacionin e 2023 u kap 2 ton kokainë që dyshohet se ishte porositur nga klani Farruku në Ekuador dhe do futej në Spanjë.
Discussion about this post