“Arrest me burg” ka vendosur gjykata e Fierit mëngjesin e sotëm për shtetasit Shpetim Kalemi dhe Pandeli Petani, të cilët u ndaluan në kuadër të operacionit policor të koduar “Vlera” ku u gjetën e sekuestruan piktura dhe ikona me vlerën e 1.5 milionë eurove.
Gjyqtare e çështjes ishte Miranda Nakaj dhe prokuror Elvis Alliaj, ndërkohë që i akuzuari Kalemi mbrohet nga Ermal Hamataj, kreu i Dhomës së Avokatisë Fier.
Në seancën e zhvilluar i pandehuri Kalemi ka paraqitur kuponat e blerjes dhe zhdoganimit dhe ka mohuar akuzat.
Gjyqtaria Miranda Nakaj pasi ka dëgjuar akuzën dhe mbrojtjen ka vendosur që të dy shtetasve t’u jepet masa arrest me burg.
Në përfundim të seancës, avokati Ermal Hamataj ka pohuar se e gjitha është një show qe ka nisur nga Drejtoria e Policisë Fier duke dënuar persona te paarsimuar, në kushte ekstreme të varfërisë që nuk dinë vlerën e ikonave e jo më të merren me trafikimin e tyre.
Discussion about this post