Një aksident tragjik është raportuar në Algjeri. Sipas mediave të huaja ngjarja ka ndodhur në jug te vendit në provincën Tamanrasset, ku 34 persona humbën jetën dhe 12 të tjerë u plagosën.
Një autobus pasagjerësh është përplasur me një kamion, duke shkaktuar një shpërthim dhe zjarr. Ambulancat dhe ekipet e shpëtimit kanë shkuar në vendngjarje dhe kanë transportuar të plagosurit në spitalet e rajonale për trajtim të mëtejshëm. Detektivët e Xhandarmërisë Kombëtare kanë nisur një hetim.
Sipas Qendrës Kombëtare Algjeriane për Parandalimin dhe Sigurinë Rrugore, më shumë se 90 për qind e aksidenteve të trafikut në Algjeri shkaktohen nga gabimi njerëzor, veçanërisht nga neglizhenca e shoferit.
Discussion about this post