Tragjedi në familjen e Naldos, humb djalin 4-vjeçar pas aksidentit

Tragjedi në familjen e Naldos, mbrojtësit brazilian, i cili është pjesë e skuadrës së Antalyasporit në Superligën e Turqisë.

Ndërkohë që më parë ka luajtur me skuadra të ndryshme në Itali (Udinese, Bologna), Spanja (Granada, Getafe, Espanyol) dhe Portugali (Sporting), përveçse disa ekipeve në vendlindje.

35-vjeçari ka humbur djalin e tij Davi në moshën 4-vjeçare. Vogëlushi ishte i shtruar në spital prej 40 ditësh në terapi intensive pas një aksidenti me makinë.

Zi dhe dhimbje e madhe për futbollistin brazilian, teksa klubi turk shkruan në faqen zyrtare këto rreshta:

“Ne nuk do të të harrojmë kurrë, Davi! Me pikëllim të thellë morëm vesh se Davi, djali i futbollistit tonë Naldo Pereira, i cili u aksidentua muajin e kaluar, ka ndërruar jetë.

Zoti e mëshiroftë Davin e vogël. Shprehim ngushëllimet tona për të dashurit, të afërmit, veçanërisht futbollistit tonë Naldo dhe familjes së tij”.