Një ngjarje tragjike ka ndodhur mbrëmjen e djeshme në aksin Lamia-Livadeia, në Greqi. Mësohet se dy vëllezër me origjinë shqiptare kanë humbur jetën si pasojë e një aksidenti automobilistik.
Protothema.gr shkruan se drejtuesi i mjetit ishte 30 vjeç dhe pasagjeri që ndërroi jetë ishte vëllai i tij 27-vjeçar. Bëhet e ditur se në mjet ishin 5 persona. Për shkak të shpejtësisë të madhe, drejtuesi 30-vjeçar nuk ka mundur të ndalojë mjetin dhe nga përplasja është hedhur në lumin Erkyna.
Si pasojë dy vëllezërit humbën jetë, ndërsa 3 personat e tjerë, një 31-vjeçar gjithashtu shqiptar dhe 2 grekë u plagosën rëndë.
Të plagosurit janë dërguar në spital ndërsa shkaqet e aksidentit janë duke u hetuar nga policia.
Discussion about this post