Një tragjedi ka ndodhur familjen Ahmeti në Kosovë, ku nënë e bir kanë ndërruar jetë pasi u infektuan me koronavirus. Dy anëtarët e së njëjtës familje e kanë humbur betejën me virusin e rrezikshëm. Lajmi është bërë i ditur në një postim në rrjetet sociale nga kryetari i Rahovecit Smajl Latifi, i cili i ka shprehur ngushëllimet familjes Ahmeti.
“E nderuara familje Ahmeti, Me pikëllim mora lajmin për ndarjen nga jeta të më të dashurve tuaj, Avniut dhe zonjës Zehra. Në këtë moment dhimbjeje e pikëllimi për ndarjen nga jeta të familjarëve tuaj, ju lutem pranoni ngushëllimet e mia më të sinqerta! Bashkëndjejmë me ju! Ngushëllime”, shkruan Latifi.
Kosova ka shënuar rritje të ndjeshme të rasteve të reja dhe viktimave të shkaktuara si pasojë e COVID gjatë ditëve të fundit. Situata është e rëndë ndërkohë që masat janë ashpërsuar dhe po vijohet intensivisht me procesin e vaksinimit.
