Tragjedi në Lezhë–Shkodër: Aksident fatal, humbin jetën burrë e grua

Një aksident i rëndë është regjistruar në aksin rrugor Lezhë–Shkodër, pranë fshatit Gocaj, ku dy automjete janë përplasur me njëra-tjetrën.

Sipas të dhënave paraprake, dyshohet se kanë humbur jetën dy persona, një çift, Petrit dhe Elona Florini. Për shkak të përplasjes së fortë, në vendngjarje kanë ndërhyrë forcat zjarrfikëse, të cilat kanë bërë të mundur nxjerrjen e trupave nga automjeti.

Në vendin e ngjarjes ndodhen shërbimet e Policisë dhe grupi hetimor, të cilët po punojnë për sqarimin e rrethanave dhe shkaqeve të aksidentit tragjik.