Një ortek ka vrarë të paktën 19 persona ditën e sotme, pasi u shtypën nga një ortek teksa po tentonin të kalonin një vargmal midis Afgansitanit dhe Pakistanit.
Mësohet se deri më tani janë gjetur nëntëmbëdhjetë trupa, ndërsa ekipet e shpëtimit janë duke kërkuar për viktima të tjera dhe të mbijetuar të mundshëm, njoftojnë autoritetet vendase.
Shumë afganë përpiqen të kalojnë kufirin malor me Pakistanin çdo ditë në kërkim të një pune, për një jetë më të mirë.
Në vitin 2015, të paktën 250 njerëz u vranë nga një seri orteqesh vdekjeprurëse në Afganistan.
Discussion about this post