Një ngjarje e rëndë ka tronditur Finlandën mëngjesin e së martës, pasi një person humbi jetën në ndërtesën e Parlamentit, njoftojnë policia e Helsinkit. Sipas mediave vendase, bëhet fjalë për një deputet që ka kryer vetëvrasje brenda ambienteve të institucionit.
Drejtori i Sigurisë në Parlament, Aaro Toivonen, deklaroi për Yle se nuk e mohon informacionin e raportuar, ndërsa shtoi se operacioni në terren po vijon me pjesëmarrjen e forcave të shpëtimit, policisë dhe ekipeve mjekësore emergjente.
Autoritetet thanë se ngjarja nuk dyshohet të lidhet me ndonjë krim dhe po hetohet për shkaqet e vdekjes.
Në vendngjarje u dërguan disa patrulla policie dhe ekipe mjekësore, ndërsa policia sqaroi se nuk ishte e nevojshme ndërhyrja e Njësisë Speciale.
Parlamenti i Finlandës ndodhet aktualisht në pushimin veror, ndërsa sesioni i vjeshtës pritet të nisë më 2 shtator.
Discussion about this post