Tragjedi shqiptare në Itali/ Mbyti gruan e tij 24 vjeçe, u zbulua nga video telefonata e fëmijëve: Babi vrau mamin

Detaje të reja kanë dalë në dritë nga krimi i rëndë në një familje shqiptare në Caserta të Italisë, ku bashkëshorti mbyti gruan e tij.

Eleonora Toci, është 24-vjeçarja që mbeti e vdekur, pasi u mbyt nga Lulzim Toci, 30 vjeç.

Viktima kishte vetëm një muaj që ishte bashkuar me 30-vjeçarin, i cili punonte në bujqësi në shtetin fqinj, sipas medias së huaj.

Çifti kishte marrë një shtëpi më të madhe në “Via Caravaggio”, për të jetuar me fëmijët e tyre, respektivisht 6 dhe 4 vjeç.

Krimi i rëndë ndodhi në dhomën e gjumit të çiftit. Hetuesit thanë se vrasja me siguri është kryer teksa viktima ka qenë duke fjetur, version ky ende i pa verifikuar plotësisht.

Fqinjët, nga sa mësojmë, nuk kanë dëgjuar britma apo debat nga çifti. Lulzimi pas vrasjes doli nga shtëpia dhe shkoi te kunata duke kërkuar ndihmë.

Fëmijët tregojnë trupin e nënës së tyre në një video-telefonatë
Lulzimi pas vrasjes doli nga shtëpia dhe shkoi te kunata. Ai kërkoi ndihmë. Gruaja e pa bindur për atë që ndodhi, ka bërë një video-telefonatë në telefonin e Eleonorës. Njëri nga fëmijët u përgjigj në anën tjetër. “Babi vrau mamin”, tregon ai, duke i treguar tezes trupin e 24-vjeçares së pajetë.

30-vjeçari ndodhet në burg
Në atë moment gruaja lajmëroi policinë. Karabinierët shkuan në vendngjarje, duke bërë zbulimin makabër dhe duke nisur hetimet. Lulzimi, i cili priti i tronditur mbërritjen e policisë para hyrjes së shtëpisë, dërgohet në kazermë. Këtu, para prokurorit ai bëri deklarata konfuze për atë që ndodhi, duke pranuar se kishte vrarë gruan e tij. Megjithatë, motivi mbetet ende për t’u sqaruar.

Reagimet e komunitetit

“Një tjetër vrasje e një gruaje dhe kësaj radhe godet provincën tonë.  Një grua tjetër e vrarë nga urrejtja e një burri. Një jetë e re e thyer nga ajo kulturë patriarkale e zotërimit dhe dhunës. Mjaft mjaft” – lexojmë në një reagim. “Është e nevojshme që të gjitha institucionet të marrin përgjegjësinë për atë që duket si një masakër e pafundme, duhet një ndryshim i thellë kulturor, sepse zija nuk mjafton për institucionet”.

gijotina.com/