Detaje të reja janë zbardhur nga tragjedia e dyfishtë që tronditi Divjakën pak minuta më parë, ku një 58- vjeçar qëlloi për vdekje me armë zjarri bashkëshorten e tij, e më pas veten. Mësohet se mes çiftit nuk ka patur konflikte të mëparshme, ndërsa dyshohet se ka qenë një sherr i çastit që ka degraduar deri në përdorimin e armës.
Sipas burimeve viktimat kanë qenë prindër të një djali, ndërsa ka qenë pikërisht ky i fundit i cili i ka gjetur ata të vdekur dhe ka njoftuar policinë. Pritet që detaje të reja të dalin në dritë për këtë ngjarje të rëndë, pas deklaratës që djali i dy viktimave do të japë para grupeve hetimore.
Theksojmë sërish se ngjarja e rëndë ndodhi në Babunjë të Divjakës ku Hekuran Rrasa, për motive të dobëta, ka goditur me armë gjahu të shoqen, e më pas, i ka dhënë fund edhe jetës së tij.
