Kreu i PD-së Sali Berisha pak minuta pasi iu bashkua protestës para Ministrisë së Brendshme, ku dhjetëra qytetarë dhe përfaqësues të shoqërisë civilë kërkojnë drejtësi për vogëlushen Jonada Avdia, kërkon largimin e ministrit Çuçi.
Sipas Berishës, kjo ngjarje ka një përgjegjësi morale dhe ligjore që e detyrojnë ministrin e Brendshëm, Bledi Çuçi të dorëhiqet.
“Përgjegjësia morale e detyron ministrin të largohet menjëherë nga detyra. Por ka një kusht që ministri të ketë minimumin e moralit.
Ndodhi një ngjarje nga më tronditëse, një skafist i qeverisë, me distancë 3-4 metra nga rëra, mblodhi një fëmijë 7-vjeç me helikat e skafit. Janë shkelur disa nene për të cilat kanë përgjegjësi ministrat.”-tha Berisha.
Discussion about this post