Tragjedia e Potamit, ku një 7-vjeçare e cila humbi jetën pasi u godit nga skafi që drejtohej nga polici Arjan Tase, u ka shtuar akoma dhe më shumë frikën qytetarëve.
Pushuesit e Shëngjinit nisur nga ngjarja tragjike janë shprehur se shteti duhet të marrë më shumë masa që ngjarje të tilla mos të përsëriten dhe aq më tepër kur në zonat e plazhit nuk ka as roje bregdetare.
“Është një frikë normale, ama për momentin këtu ku lahen kalamajtë nuk kanë ardhur shumë afër. Por kur ndjen shpejtësinë, ndjen frikë. Ecin me shpejtësi të jashtëzakonshme, bëjnë spektakël. Mirë nuk është po varet sa tolerojnë këtu. Tash çfarë të bëjmë, jetojmë në Shqipëri” është shprehur njëri nga pushuesit.
Pushuesit po ashtu janë ankuar për mungesën e rojeve bregdetare
“Këtu afër meje, nuk shof. I shof kubinat ku janë të vendosur aman nuk i kam pa. duhet normal, prandaj është i obliguar ai persona “, “Duhet me pas sepse ka njerëz qe nuk dinë not.” “Nuk më ka thënë njeri që këta janë shpëtimtar”, “Nuk kam parë herët është hala. “,“Po duhet të ketë se ka fëmijë shumë.”, shprehen disa prej pushuesit.
Prej 5 ditësh policia është duke kontrolluar të gjitha skafet dhe gomonet nëse disponojnë dokumentacion të rregullt dhe gjendjen e tyre teknik. Gjithashtu janë vendosur edhe gjoba për ata që kanë shkelur rregullat.
Discussion about this post