Tragjedia e Shkodrës, pse Erdgys Arrazi nuk u lejua të marrë pjesë në varrimin e vajzës

Erdgys Arrazit ju refuzua leja që të marrë pjesë ditën e sotme në varrimin e vajzës së tij Ergesa.

Në përgjigje të kërkesës së ti,j prokuroria njofton se lejen për daljen e tij përkohësisht nga qelia dhe pjesëmarrjen në varrim e jep Drejtoria e Policisë së Shkodrës.

Kujtojmë që po vijojnë kërkimet për gjetjen e trupit të Alma Arrazit dhe djalit të mitur, të cilët dyshohet se janë hedhur nga ura e lumit Buna ditën e shtunë, pak minuta pasi Alma është ndarë nga kunata.

Aktualisht Erdgys Arrazi, kryefamiljari, është i ndaluar nga policia, pasi ndaj tij janë ngritur akuzat, për shtyrje drejt aktit të vetëvrasjes, pasi sipas prokurorisë ai ka ushtruar dhunë t fizike dhe psikologjike ndaj Almës dhe e ka tradhtuar atë.

Është zbardhur dokumenti ku Prokuroria e Shkodrës ka dhënë pëlqimin e saj për kërkesën e bërë nga Erdgys Arrazi, i dyshuar se shkaktoi vetëvrasjen e gruas dhe fëmijëve të tij, për të marrë pjesë në varrimin e vajzës së mitur, e cila u gjet e pajetë në lumin Buna.

“Organi procedues jep pëlqimin që personi nën hetim të lejohet të marrë pjesë në ceremoninë mortore, nëse nga ana e Drejtorisë Vendore të Policisë Shkodër garantohet siguria dhe rendi gjatë shoqërimit të tij, ndalohet komunikimi me çdo person tjetër dhe sigurohet rikthimi i tij në dhomat e sigurisë ku mbahet i ndaluar, menjëherë pas përfundimit të ceremonisë mortore. Sa më sipër, ju lutem të drejtoheni në institucionin kompetent, për shqyrtimin e kërkesës suaj”, është shprehur Prokuroria.

Por pavarësisht lejes së dhënë nga Prokuroria, sipas vëllait të Erdgys Arrazit, ky i fundit nuk është lejuar nga policia të marë pjesë në varrim.

“Prokuroria na ka dhënë leje që vëllai të vinte në varrim dhe policia nuk e lejoi që t’i hidhte një grusht dhe vajzës që varrosëm sot”, u shpreh Edison Arrazi.