Në dhimbje e ankth të afërmit e 14 viktimave nga tragjedia e Tetovës, janë mbledhur jashtë derës së spitalit, në pritje të radhës për të marrë vesh nëse do të duhet që të hyjnë për të identifikuar të afërmit e tyre.
“Identifikimi do të bëhet në bazë të ADN-së. Nuk do të mund ta shihni xhenazen se nuk lënë me pa. Duhet të merret bris,”-kështu tha i afërmi i një 35-vjeçari që duhej të dilte sot nga spitali, ndrërkohë shton:Me maska dhe të gjitha gjërat që kishte nevojë për frymëmarrje ia kishim blerë por Zoti donte ashtu.
Por ka edhe nga ata nuk dinë asgjë për të afërmit e tyre, ndërsa njëri prej tyre u tregon gazetarëve se nuk di asgjë për të ëmën.
“Kam ardhur të shoh a është gjallë a nuk janë gjallë. Nuk kam asnjë informacion. Kemi shkuar tek spitali në Tetovë, por nuk kemi informata prej askujt. Ta shohim se çfarë do te ketë dhe çfarë do të bëjmë”.
