Dalin të tjera detaje nga tragjedia e pasdites së sotme në familjen Kola në Fushë-Arrëz. Mësohet se nëna bashkë me dy vajzat humbën jetën pasi ranë në kontakt me energjinë elektrike. Bëhet me dije se njëra nga vajzat ka hyrë për të berë dush, por ka rënë në kontakt me energjinë elektrike dhe për pasojë nga thirrjet e saj ka shkuar motra.
Edhe e motra ka rënë në kontakt me energjinë sapo ka prekur dorezën e derës së tualetit, dhe për pasojë ka humbur jetën.
Gjithashtu më pas edhe nëna ka shkuar për t’i ardhur në ndihmë vajzave të saj por fatkeqësisht edhe ajo ka humbur jetën.
19-vjeçarja Sidorela, ishte studente në Durrës, por u kthye në familje për dy ditë pushime.
“Fushë Arrëz/ Informacion paraprak Rreth orës 16:50, në qytet Fushë Arrëz, në një banesë, janë gjetur pa shenja jete shtetaset, P. K. 43 vjeçe, S. K. 19 vjeçe dhe E. K. 16 vjeçe (nëna me dy vajzat) banuese në Fushë Arrëz.
Nga veprimet hetimore paraprake, dyshohet se kanë rënë në kontakt me energjinë elektrike.
Grupi hetimor vazhdon veprimet hetimore për zbardhjen e plotë të ngjarjes.”-njofton policia.
Discussion about this post