Presidentja e Kosovës, Vjosa Osmani, ka shprehur mbështetjen dhe ngushëllimet e saj për 11 viktimat e masakrës së Cetinjës në Malin e Zi.
Në një postim në Twitter Osmani u shpreh se Kosova i qëndron pranë Malit të Zi dhe i uroi shërim të shpejtë dhjetëra personave që mbetën të plagosur.
“E pikëlluar nga lajmi për të shtënat masive sot në Cetinje të Malit të Zi. Duke dërguar ngushëllimet më të sinqerta për Presidentin Gjukanoviq, familjeve që humbën të dashurit e tyre u urojmë shërim të shpejtë të lënduarve. Ne qëndrojmë me popullin e Malit të Zi në këtë moment pikëllimi”, ka shkruar Osmani.
Masakra ndodhi më 12 gusht ku një 34-vjeçar me inicialet Vuçko Boriloviç, ka qëlluar me armë zjarri në drejtim të një grupi personash duke lënë të vdekur 11 dhe duke plagosur 10 të tjerë në Cetinjë të Malit të Zi. Pas mbërritjes së policisë autori ka vijuar të qëllojë kundët efektivëve të cilët u kundërpërgjigjën duke e ekzekutuar. Kyreministri i vendit Dritan Abazoviç ka shprehut ngushëllimet për viktimat dhe ka shpallur 3 ditë zie në vend.
Discussion about this post