Një hetim ekskluziv i Skynews ka nxjerrë zbuluar Francën dhe Britaninë e Madhe, të cilat ia kaluan përgjegjësinë njëra-tjetrës pas mbytjes më të rëndë të emigrantëve në historinë e kanalit anglez. Më 24 nëntor 2021, një gomone me 34 emigrantë u fundos në Kanalin Anglez, duke vrarë 31 persona dhe një foshnjë të palindur, pavarësisht thirrjeve të vazhdueshme të dëshpëruara për shërbimet e rojes bregdetare në të dy anët e Kanalit.
Një hetim paraprak, i kryer nga një firmë ligjore në emër të disa të afërmve, ka zbuluar komunikime midis shërbimeve britanike dhe franceze të urgjencës, të cilat sugjerojnë se asnjëra palë nuk mori përgjegjësinë për katastrofën e shpalosur.
Raporti, i parë nga Sky News, bazohet në prova nga dy të mbijetuarit, telefonata, mesazhe me tekst dhe email. Ai pretendon se pasagjerët fillimisht thirrën shërbimet e shpëtimit francez dhe anglez rreth orës 2 të mëngjesit dhe më pas vazhduan për gati dy orë, duke iu lutur atyre që të ndërhynin.
“Pak minuta pas kësaj thirrjeje të parë, shërbimet franceze të shpëtimit kërkuan sërish pozicionin e anijes,”- thuhet në raportin francez.
Shumë nga gjetjet vërtetojnë një hetim të Sky News të publikuar në dhjetor 2021. Një nga ata në bordin e varkës atë natë ishte 18-vjeçari Twana Mamand Mohammad, i cili kishte lënë shtëpinë e tij në malet e Irakut verior tre muaj më parë për të ndjekur ëndrrën e tij për të luajtur futboll në Angli.
Fillimisht takuam vëllain e tij më të madh Zanën, një polic, disa ditë pasi mësoi se Twana ishte mbytur. Në muajt që kanë kaluar, Zana ka ndihmuar avokatët për hetimin. Twana është një nga tre burrat, trupat e të cilëve ende nuk janë gjetur, gjë që e bën më të vështirë për Zanën dhe familjet e tjera të vajtojnë.
Duke iu përgjigjur hetimit ligjor dhe raportit tonë, një zëdhënës i Agjencisë Britanike Detare dhe Bregdetare tha: “Nuk është e përshtatshme për ne të komentojmë mbi specifikat e ndonjë veprimi ligjor.
Sky News kërkoi gjithashtu koment nga francezi Gris Nez, por nuk mori asnjë përgjigje./ Marrë nga news.sky.com
Discussion about this post