Pas kryeministrit Edi Rama dhe ministres Olta Xhaçka, për ngjarjen e rëndë në Bullgari, ku ndërruan jetë 46 shqiptarë nga Maqedonia e Veriut pasi autobusi ku po udhëtonin mori flakë, ka reaguar dhe presidenti Ilir Meta.
Meta shkruan në Facebook se ndjen hidhërim të madh për humbjen e jetës së shqiptarëve nga Maqedonia e Veriut, ndërsa i uruar shërim të shpejtë të mbijetuarve.
“Hidhërim i madh dhe trishtim i thellë për humbjen aksidentale tragjike të jetës të bashkëkombësve tanë nga Maqedonia e Veriut. Në këto çaste të rënda i shpreh ngushëllimet më të thella familjarëve dhe autoriteteve të vendit fqinj, si dhe uroj shërim sa më të shpejtë dhe të plotë për të mbijetuarit”, shkruan Meta.
Ministria e Brendshme bullgare, ka bërë me dije se ngjarja e rëndë ka ndodhur në orët e para të mëngjesit të së martës, ku një autobus nga Maqedonia me 52 persona brenda ka marrë flakë në një nga autostradat e Bullgarisë. Ndërkohë shtatë persona janë lënduar nga kjo ngjarja e rëndë të cilët po marrin ndihmën mjekësore në spital.
Discussion about this post