Ka shkuar në 78 numri i emigrantëve të paligjshëm të gjetur të vdekur, pasi një anije peshkimi u mbyt në Pylos në ujërat ndërkombëtare.
Deri më tani janë shpëtuar 104 persona, ndërkohë që ka informacione se në bord ndodheshin rreth 700 emigrantë.
Emigrantët e parë të shpëtuar mbërritën pak pas orës 12 të mesditës në Kalamata, me një jaht që i çoi në portin e qytetit
Emigrantët e shpëtuar dhanë informacionin se në bord ndodheshin të paktën tetë gra shtatzëna dhe disa fëmijë.
Anija e peshkimit u fundos menjëherë. Anija kishte lundruar nga Libia dhe zyrtarët e Rojës Bregdetare vlerësojnë se numri i incidenteve të tilla do të rritet, pasi shtohet numri i emigrantëve që, qoftë nga brigjet turke, qoftë nga Afrika e Veriut, udhëtojnë kryesisht drejt Italisë për t’u nisur më lehtë drejt Europës Qendrore dhe Veriore.
Varkat janë të vjetra dhe shumë prej tyre nuk janë mirëmbajtur, ndërsa numri i pasagjerëve është shumë më i lartë se sa lejohet.
Që herët në mëngjes, në Qendrën e Përbashkët Koordinuese të Kërkim Shpëtimit të Gardës Bregdetare, ministri në detyrë i Detit dhe ish-kreu i Rojes Bregdetare, Theodoros Kliaris , kreu i Rojes Bregdetare, Giorgos Alexandrakis dhe oficerë të Korpusit ndodhen në Qendrën e Përbashkët të Koordinimit të Kërkim Shpëtimit të Gardës Bregdetare, duke koordinuar operacioni i shpëtimit.
Discussion about this post