Tragjedia në Bullgari, homazhe për viktimat në sheshin ‘Skëndërbej’

Ditën e sotme në orën 19:00, në sheshin ‘Skëndërbej’ do të mbahen homazhe për 46 viktimat që humbën jetën dy ditë më parë në aksidentin tragjik në Bullgari. Thirrja është shpërndarë në rrjetete sociale. Reagime të shumta ka pasur në rrjet për mosreagimin e Shqipërisë për këtë ngjarje të rëndë. Artistë të ndryshëm kërkuan që dhe Shqipëria të shpallte një ditë zie, siç veproi Kosova, Maqedonia e Veriut dhe Bullgaria.

46 persona, shumica prej të cilëve turistë nga Maqedonia e Veriut, humbën jetën pasi një autobus u përplas dhe u përfshi nga flakët në një autostradë në Bullgarinë perëndimore. Ngjarja ka ndodhur rreth orës 02:00 të mëngjesit të së martës, 40 kilometra në jug të kryeqytetit Sofje. 12 fëmijë humbën jetën ndërsa vetëm 7 turistë mundën të shpëtonin. Kosova, Maqedonia e Veriut dhe Bullgaria kanë mbajtur ditë zie më 24 nëntor.