Komisioneri për politikën e fqinjësisë dhe zgjerimit, Oliver Varhelyi ka shprehur ngushëllimet për humbjen e jetëve nga aksidenti tragjik që ndodhi në orët e para të mëngjesit në Bullgari. Varhelyi thotë se mendimet e tij shkojnë për familjarët dhe miqtë e viktimave që ndërruan jetë mëngjesin e sotëm.
“Lajm i tmerrshëm për aksidentin tragjik të autobusit në Bullgari në orët e para të mëngjesit. Mendimet dhe ngushëllimet e mia janë me familjet dhe miqtë e atyre që vdiqën, si dhe me njerëzit dhe autoritetet e Maqedonisë së Veriut. Duke ju uruar shërim të shpejtë të plagosurve”- u shpreh Varhelyi.
Mëngjesin e sotëm 45 persona, shumica prej të cilëve turistë nga Maqedonia e Veriut, humbën jetën pasi një autobus u përplas dhe u përfshi nga flakët në një autostradë në Bullgarinë perëndimore. Ngjarja ka ndodhur rreth orës 02:00 të mëngjesit të sotëm, 40 kilometra në jug të kryeqytetit Sofje.
Discussion about this post