Ngjarja e rëndë që tronditi Fierin ditën e martë, reflektohet kudo, ndërsa për shumë kohë banka e Mateos do të jetë bosh në shkollën “Thanas Ikonomi” në fshatin Grecalli të Fierit.
Në vendin ku ai ulej për të mësuar është vendosur nga shokët një tufë me trëndafila. 8-vjeçari mësonte në klasën e tretë dhe ishte një fëmijë i dashur dhe që e donte shkollën.
Krimi horror që tronditi Fierin dhe të gjithë Shqipërinë, ndodhi ditën e djeshme në fshatin Grecalli të Fierit. Klodian Çalamani, 38-vjeçari kishte rrëmbyer e më pas vrarë e groposur në oborrin e banesës së tij, fqinjin e tij vetëm 8 vjeç, Mateo Vllasiu. Ai u arrestua nga policia, ndërsa aktualisht ndodhet prapa hekurave.
Për ngjarjen e rëndë reagoi më herët kryeministri Edi Rama, i cili kërkoi dënim ekstrem për autorin, dhe fajësoi gjyqtarët për vendimet që marrin.
Discussion about this post