Deputeti i PS, Erion Braçe, e ka quajtur skenë krimi ngjarjen që ndodhi sot në Himarë. Humbja e një fëmijë është tragjedi e rëndë, tha ai, por edhe më keq situata kur shkaku i vdekjes ishte është një polic. Më tutje, Braçe ka komentuar edhe reagimin e kreut të Policisë së Shtetit, Gledis Nano, duke thënë se në këtë rast nuk është nevoja për zvarritje, por duhet të merren masat që përcakton ligji urgjent ndaj autorit.
“Ngjarja në Himarë është krim! kur mësoj qe autori është nga paria e policisë, mbetem pa fjalë! Shef policie qe jashtë detyrës duhet të jetë shembull e gjithnjë ne ndihme te kujtdo, harron statusin qe e ka me vete kudo, distancohet jo vetëm nga polici i thjeshte qe bën e nuk ben pushime, të thjeshta e me një çadër, por edhe nga njerëzit, të cilëve duhet t’i sherbejë e duhet ti mbroje; posaçërisht fëmijëve! Tani te behet drejtësi shembullorë për te! Ndërkohë, edhe një herë alarmi shkon tek rregullat, zbatimi i tyre; lexova reagimin e drejtorit tË policisë e përtej masave te detyrueshme ndaj efektivit te përfshirë ne krim, me shqetëson ngritja e një grupi qe verifikon zbatimin e porosive të drejtorit vetë. Unë mendoj qe funksionon ndryshe; urdhri i drejtorit te policisë me masa që administrojnë e garantojnë rendin e rregullin, thjesht zbatohet, thjesht zbatohet, nuk harrohet, nuk relativizohet, nuk neglizhohet, zbaaaatoooheeeet, nuk verifikohet! ose barazi, ose Himara është jo vetëm skena e sotme por dhe arkiva e krimeve si ky, ne pak vite nga sot! e mbani mend besoj vrasjen si kjo nga një biznesmen”, shkruan Braçe.
Ndërsa i ka shprehur përulësi dhe ngushëllime familjes së vogëlushes.
Discussion about this post