Elvis Halilaj, 55 vjeç është babai që mbyt dje bashkë me dy djemtë e tij të mitur, 13 dhe 15 vjeç në plazhin Vilë Bashtovë në Kavahë, dje 9 korrik. Halilaj 55-vjeç dhe dy fëmijët e tij të mitur u mbytën në det, ndërsa kishin shkuar për tu freskuar për tu larguar nga vapa përvëluese e Tiranës.
Babai hyri në det për të shpëtuar një nga dy fëmijët e tij që po rrezikonte të mbytej, për fat të keq u mbytën të tre. Ajo që mbetet shqetësuese është se dhe në këtë rast tragjedia mund të ishte shmangur nëse do të funksiononte roja bregdetare, por si gjithmonë atëherë kur duhen dhe aty ku duhet të jenë roja bregdetare mungon thuajse gjithmonë.
Në njoftimin e policie theksohet se në ndihmë të 3 pjesëtarëve të familjes Halilaj nga Tirana kanë shkuar forcat e policisë detare, por nuk kanë mundur t’i shpëtojnë.
Ndërkohë nga ana tjetër dëshmitarë okularë në vendngjarje bëjnë me dije se trupat e pajetë kanë qëndruar për rreth 1 orë e 30 minuta në breg të detit deri sa ka ardhur ambulanca për t’i marë, duke e bërë edhe më të dhimbshme tragjedinë për familjarët e personave që humbën jetën, por edhe për pushuesit që ju desh të përjetonin një ditë të tmerrshme.
Discussion about this post