Në lidhje me ngjarjen e rëndë që ndodhi pak minuta më parë në Kosovë, ku mbetën të plagosur disa nxënës dhe vdiqën tre të tjerë ka reaguar presidenti i Shqipërisë, Ilir Meta.
Përmes një postimi në rrjetin social Facebook ai shkruan se, ky akt kriminal ka tronditur mbarë Shqipërinë dhe të gjithë duhet të bashkohet e të ndajnë dhimbjen e madhe me familjarët e viktimave. “Thellësisht i tronditur nga akti kriminal në Gllogjan të Deçanit, ku sipas të dhënave paraprake raportohet për tre humbje jete dhe një të plagosur. Ju shpreh ngushëllimet më të sinqerta dhe solidaritetin e plotë familjeve të të vrarëve dhe të gjithë popullit të Kosovës, duke bashkëndarë me ta dhembjen e madhe për këtë ngjarje shumë të rëndë. Të lënduarit i uroj shërim sa më të shpejtë dhe përgëzoj ekipet mjekësore për përkushtimin dhe profesionalizmin, që po dëshmojnë”, shkruan ai.
Meta e mbyll deklaratën e tij, duke thënë se do të jetë në mbështetje te autoriteteve kosovare që do të merren me hetimin dhe zbardhjen e ngjarjes.
Discussion about this post