Një 60-vjeçar shqiptar i identifikuar me emrin Pavin Bozo ka ndërruar jetë pas aksidentit tragjik në Larisa në Greqi si pasojë e përplasjes së dy trenave, ngjarje e ndodhur një natë më parë.
Viktima ishte nga Lushnja dhe punonte në bar/bufe brenda në tren. Nga aksidenti tragjik, deri më tani kanë ndërruar jetë 47 persona. Ndërkohë, ka shkuar në 8 numri i shqiptarëve të përfshirë në këtë aksident.
Numri i të vdekurve deri tani raportohet të ketë shkuar në 47. Ngjarja e rëndë ndodhi pak para mesnatës së të martës në Greqi. Dy trena u përplasën me njëri-tjetrin duke shkaktuar një zjarr që deri më tani iu ka marrë jetën 44 personave.
Një tren me 350 pasagjerë që po udhëtonte nga Athina drejt Selanikut u përplas me një tren mallrash. Shkak për shpërthimin e zjarrit dyshohet se është bërë prerja e një kablli elektrik në njërën prej vagonët të trenit me pasagjerë që në momentin e përplasjes ka rezultuar fatal.
Discussion about this post