Kanë folur sot për mediat fqinjët e familjes Rrasa në Lushnjë, kur burri vrau gruan dhe veten për shkaqe ende të paditura. Fqinjët kanë treguar se çifti kishin mosmarrëveshje mes tyre për çështje ekonomike. Ditët e fundit nuk ishin në gjendje të mirë ka treguar e afërmja e tyre, duke shtuar se para 5 ditësh gruaja kishte marrë djalin dhe kishte ikur nga banesa.
“Gruaja para 5 ditësh iku me djalin te prindërit e vet. Burri punonte, pastronte në komunë. Ne e kemi tonin dhe nuk kemi dëgjuar diçka. Nga ekonomia nuk kanë qenë mirë, se ka vuajtur dhe me nënën, por nuk ka pasur probleme me nusen”, tha një e afërme”, u shpreh një fqinje.
“Këto 3-4 ditët e fundit nuk ka qenë në gjendje, nuk ka qenë mirë”, ngre dyshime një fqinje tjetër e familjes Rrasa.
Ndërsa një e afërme ka thënë se ata nuk kanë konstatuar shenja depresioni, apo konflikte mes çiftit. Ajo shprehet se Hekurani e ka ndërmarrë këtë akt mbase për shkak të gjendjes së keqe ekonomike.
“Burri im me atë ishte kushëri. Ne si kushërinj nuk dinim gjë për konflikte. Burri pastronte në komunë, s’kemi dëgjuar gjë as për depresion. Nga ekonomia s’ka qenë mirë, as shtëpi s’ka, siç e shikoni edhe vetë, por me nusen s’ka pasur”, tha e afërmja
Dy ditë më parë Hekuran Rrasa qëlloi për vdekje gruan e tij Fëllënxa Rrasa dhe më pas vrau veten. Ata kanë lënë pas vetëm një fjalë, Leonard Rrasa, 21 vjeç, cili në gjendje të renduar tha dje për mediat se tashme mbetet mes katër rrugëve dhe ka nevojë për ndihmën e shtetit.
E.H/ gijotina.com/
