Kanë dalë emrat e personave që mbetën të vrarë në Cetinjë të Malit të Zi. Vuk Boriloviç është autori i masakrës së Çetinjës, i cili vrau 10 persona me armë gjahu, përfshirë dy fëmijë dhe dajën e tij, përpara se të ekzekutohej nga bashkëqytetari N. K., i cili qëlloi në drejtim të tij gjatë shkëmbimit të zjarrit me policinë.
Mësohet se Boriloviç fillimisht i mori jetën 3 anëtarëve familjes Martinovic, nënës Natasha Pejović Martinovic, 35-vjeçe me profesion infermiere, si dhe dy fëmijëve të saj të mitur, 8 dhe 11-vjeç. Më pas vrau kumbarin e familjes Martinoviç, Milan Mitroviç (37-vjeç), i cili shkoi drejt banesës pas telefonatës së kryefamiljarit Millosh Martinoviç që i kërkoi të shihte çfarë i kishte ndodhur gruas dhe fëmijëve të tij, por u gjend para breshërisë së plumbave.
Gjithashtu autori vrau dajën e tij, Goran Gjurishiç (54-vjeç), i cili u përpoqën ta ndalonte që t’u marrë jetë njerëzve të pafajshëm. Në të shtënat humbën jetën edhe çifti i të moshuarve Dimitrije Drecun (81-vjeç) dhe Danica Drecun (74-vjeçe), djali i tyre Rajko Drecun (56-vjeç), si dhe fqinjët Danijela Radunoviç (51-vjeçe) dhe Aleksandra Radunoviç (52-vjeçe) .
Ndërsa të plagosur mbetën gjashtë persona, dy prej të cilëve të shtruar në Spitalin e Përgjithshëm në Cetinje dhe katër në Qendrën Klinike të Malit të Zi. U plagosën polici Ljubisha Maksimoviç (44-vjeç) nga Podgorica, si dhe banorët e Cetinjes, Sllavicës Zvicer (66-vjeç), Filip Gjurkoviç (33-vjeç), Mileva Ramadanoviç (76-vjeçe) , Darinka Çelebiç (88-vjeçe) dhe Aleksandar (32-vjeç).
Personat që janë shtruar në spitalin në Çetinje janë në gjendje qëndrueshme shëndetësore. Ndërsa nga 4 personat që janë shtruar në QKKG, njëri prej tyre është në gjendje të rëndë për jetën. Sipas informacioneve të Pobjedës, bëhet fjalë për 33 vjeçarin Filip Gjurkoviç.
Discussion about this post