Pas shtyrjes së gati shtatë seancave paraprake Gjykata e Vlorës ka vendosur që Arjan Tase, ish-punonjësi i policisë që shkaktoi tragjedinë në Potam në gusht të vitit 2022, të gjykohet veçmas nga 8 punonjësit e policisë Himarë, të cilët akuzohen për shpërdorim detyre.
Në këtë seancë gjyshi i vogëlushes Ismet Avdia ka kërkuar që drejtësia të bëjë punën e saj, sipas tij ndarja e hetimit ka për qëllimin lehtësimin.
“Unë jam Ismet Aviaj, gjyshi i Jonadës. Është hera e shtatë, pas këtij kalvarit gjatë arritëm të zhvillonim një seancë gjyqësore. Ndarja kërkohet për të lehtësuar sa më shumë palët të cilët në një koordinim së bashku, se asgjë nuk ka ndodhur rastësisht… ata që akuzohen janë punonjës shteti. Natyrisht që avokatët e tyre kërkojnë masa lehtësuese, e shkon aty ku këta njerëz të shtetit që merrnin rrogë për të siguruar jetën e qytetarëve. Të gjithë ata që ndodhen përreth tij janë përgjegjës ligjor. Unë kërkoj mbështetjen e mediave, pasi nuk bëhet fjalë vetëm për mbesën time Jonadën, që ngjarje të tilla të mos ndodhen më”, u shpreh gjyshi i vogëlushes që humbi jetën nga ngjarja tragjike.
Vogëlushja Jonada Avdia u vra në breg të detit nga skafi që drejtonte ish-oficeri i policisë Arjan Tase.
Ndërkohë këtë të premte ishte seanca e shtatë paraprake pas shtyerjeve të ndryshme, gjykimi do të vijojë i ndarë.
Discussion about this post