Një 43-vjeçar shqiptar në Itali ka humbur jetën gjatë një aksidenti tragjik. Shqiptari, Klodjan Zoga me profesion murator e banues në Poggiardo ai ka gjetur vdekjen pasi është vetëplagosur gjatë thyerjes së dritares së një kompanie ndërtimi në pronësi të një banori vendas. Dyshohet se është plagosur me xham.
43-vjeçari ka humbur shumë gjak nga plaga dhe është gjetur i vdekur në mjetin e tij pas ngjarjes pak kilometra larg.
Hetuesit po mbledhin dëshmi për të rindërtuar të gjithë historinë. Jo vetëm për të konstatuar me siguri se nuk ka përgjegjësi të palës së tretë në vdekjen e tij, por edhe për të kuptuar arsyet që e shtynë atë të thyejë dritaren e kompanisë së sipërpërmendur.
43-vjeçari punonte në industrinë e ndërtimit. Pas këtij akti mund të ketë disa mosmarrëveshje me pronarin që më pas i kushtuan jetën.
Discussion about this post