Një ngjarje tragjike ka ndodhur në lokalitetin Andravidha në afërsi të Pirgos në veri të Peloponezit, ku janë regjistruar 4 viktima. Sipas policisë lokale, ngjarja ka ndodhur mbrëmjen e së mërkurës. Ndërsa viktimat janë anëtarë të së njëjtës familje, identiteti të cilëve ende nuk bëhet publik. Viktimat janë Aliu 1 vjeç, Edi 40 ditësh, nëna e tyre Maria 40 vjeçe dhe bashkëshorti i saj Jorgo, pak më i madh se Maria.
Mësohet se policia po heton rastin, por ende nuk dihen rrethanat e ngjarjes. Sipas policisë, dy janë pistat e hetimit. E para ajo e krimit brenda familjes, ku pas një sherri bashkëshorti ka ekzekutuar bashkëshorten e tij dhe dy fëmijët e mitur të familjes, ose pista e vrasjes me autor të mundshëm ish bashkëshortin e viktimës, i cili ka ekzekutuar ish bashkëshorten, fëmijët dhe bashkëshortin, është larguar pasi ka lënë të gjallë fëmijë e tij 11 vjeç që kishte me viktimën.
Policia tha se po kërkon një shtetas shqiptar për ta marrë në pyetje, por ende nuk ka mundur ta gjejë në banesë.Burime policore thanë se viktimat ishin therur me thikë.
Discussion about this post