Ndërron jetë një 33-vjeçar me kombësi shqiptare në Itali. Ngjarja tragjike ndodhi dje pasdite në San Vito al Tagliamento, në rrugën “Tina Modotti”, jo shumë larg spitalit të qytetit.
Mediat e shtetit fqinj, raportojnë se i riu u gjet i pajetë në rrugë pasi ra nga lartësia. Edhe pse ndihma e shpejtë mbërriti në vendngjarje, për fat të keq nuk mund të bëhej asgjë për të plagosurin.
Shqiptari jetonte prej vitesh në Itali dhe la pas gruan e tij dhe një djalë të vogël, ndërkohë policia po vijon hetimet në lidhje me rrethanat e ngjarjes.
Discussion about this post