Bodybuilderi Christian Figueiredo, i cili ishte profesionist që nga viti 2022, vdiq në moshën 29-vjeçare, pasi pësoi një goditje gjatë operacionit në mëlçi.
“Duhej të ishte një operacion mjaft i thjeshtë, por kishte komplikime”,- shpjegoi një mik i bodybuilderit brazilian për “Generation Iron”.
Bodybuilderi Ricardo Alexandre Martins Correia, një mik i Christian Figueiredo, tha se “Chris kishte nevojë për një operacion, por fatkeqësisht ai pësoi një goditje në tru.
Ata u përpoqën të parandalonin gjakderdhjen, por më pas ai pati një atak të pazakontë në zemër. Trupi i tij u trondit. Fatkeqësisht, ka gjëra që janë jashtë kontrollit tone”.
Vdekja e Christian Figueiredo u konfirmua nga bashkëshortja e tij, Vivi Torres, në Instagram.
“Do të jesh gjithmonë ti! Përgjithmonë. Të dua dhe do të të dua gjithmonë. Zoti të mori pranë Tij, në një vend të bukur dhe të sigurt që e meriton, ku do të të japë qetësi dhe paqe. Pusho në paqe dashuria ime,”- ka ndarë Vivi Torres.
Discussion about this post