Një ngjarje e rëndë ka ndodhur në Sarandë, ku një e moshuar është gjetur e pajetë brenda banesës së saj. Mësohet se gruaja e identifikuar si Stamato Milo, e moshës 88-vjeçare është gjetur e pajetë në banesën e saj në fshatin Cukë.
88-vjeçarja është gjetur nga infermierja e fshatit në bahçen e shtëpisë. Dyshohet se gruaja e saj mund të ketë ndërruar jetë për shkak të temperaturave të ulëta, pasi trupi i saj ishte i ngrirë dhe ka qëndruar natën në të ftohtë.
Pas këqyrjes së trupit u pa se nuk kishte shenja dhune dhe se vdekja mund të ketë qenë natyrale. Trupi i 88-vjeçares u transportua në morgun e spitalit për të kryer ekspertizën mjeko -ligjore dhe për të përcaktuar shkakun konkret të vdekjes.
Discussion about this post