Është shënuar viktima e parë nga moti i keq, në qytetin e Kuçovës. 26-vjeçari Majkëll Vrapi i cili ishte duke punuar në montimin e një paneli diellor në shtëpinë e një të afërmi ka ndërruar jetë mbrëmjen e djeshme.
Gijotina.com raportoi se Vrapi ra nga soleta e shtëpisë ku po punonte si pasojë e erës së fortë, rrëzim i cili i shkaktoi shembje në të gjithë trupin. 26-vjeçari u gjet pa ndjenja në tokë dhe u transportua menjëherë në spitalin e Beratin.
Vrapi ju nënshtrua një ndërhyrjeje kirurgjikale por për shkak të gjendjes së tij të rënduar, ai u transportua drejt Spitalit të Traumës në Tiranë. 26-vjeçari nuk i mbijetoi dot plagëve të marra dhe ndërroi jetë gjatë rrugës drejt Spitalit të Traumës në Tiranë. Vrapi ishte djali i vetëm i familjes e cila ka hapur sot dyert e mortit, për ta përcjellë drejt banesën.
Discussion about this post