Hugo Maradona, vëllai i legjendës së futbollit Diego Armando Maradonës, ndërroi jetë sot, më 28 dhjetor në orën 11:50, nga ataku kardiak në moshën 52-vjeçare.
Ai jetonte në zonën Flegrean, në Monte di Procida, në provincën e Napolit, ndërsa raportohet se ndërroi jetë në shtëpinë e tij dhe ishin punonjësit shëndetësorë ata që konstatuan faktin tragjik.
Vdekja e Hugo vjen vetëm një vit pas ndarjes nga jeta të Diego Maradonës, saktësisht më 25 nëntor 2020 në Argjentinë.
Ndonëse edhe ai ashtu si Diego iu përkushtua pasionit më të madh, futbollit, por nuk mundi t’i afrohej “Pibe de Oro”. Hugo e nisi karrierën te Napoli, klub i cili e bleu në moshën 18-vjeçare, direkt pasi fitoi titullin kampion në Itali, ndërsa më pas u huazua te Ascoli.
Më luajti në Spanjë te Rayo Vallecano dhe në Austri e Japoni, përpara se të kthehej te Napoli, për t’iu përkushtuar futbollit të të rinjve si trajner./K.T/Gijotina.com
Discussion about this post