Tragjike/ I bije statuja sipër, ndërron jetë 7-vjeçarja

Një ngjarje tragjike ka ndodhur në Mynih të Gjermanisë.

Mësohet se një vajzë 7-vjeçare ka ndërruar jetë. Shkak për këtë është bërë një statujë e cila i ra sipër.

Vajza, me origjinë nga Napoli, Itali, ishte me pushime në Gjermani me prindërit e saj, tha policia gjermane të dielën.

Ajo vdiq në spital pasi një statujë prej 200 kilogramësh prej guri i ra në kokë mbrëmjen e së premtes. Prindërit e saj dhe persona të tjerë që ndodheshin në vendngjarje arritën ta lironin, por lëndimet ishin shumë të rënda.

Mbetet e paqartë pse statuja u rrëzua. Sipas hetimeve fillestare, statuja nuk ishte e ankoruar në tokë sa duhet.