Një nënë me 8 fëmijë ka ndërruar jetë në mënyrë tragjike në Turqi. Flakët kanë përfshirë apartamentin ku ata jetonin. Ngjarja e rëndë ndodhi në provincën veriperëndimore turke të Bursës.
Tragjedia ndodhi mbrëmjen e së martës, 8 nëntor.
Sipas policisë viktimat janë nëna, gjashtë fëmijët e saj dhe dy nipërit e saj, të cilët jetonin përkohësisht në apartamentin që u shkrumbua nga zjarri.
Lexo edhe: Turqia nis të paguajë në rubla për gazin rus
Mësohet se viktimat janë refugjatë sirianë. Shkaku i zjarrit nuk është ende i qartë. Autoritetet thanë se viktimat vdiqën nga asfiksia për shkak të tymit nga flakët e zjarrit.
Sipas medieve turke babai i gjashtë fëmijëve ishte jashtë apartamentit në momentin e zjarrit.
Ai u lëndua ndërsa përpiqej të shpëtonte fëmijët dhe bashkëshorten.
Kryebashkiaku i Bursës, Alinur Aktaş, tha për mediet se fëmijët që vdiqën nga zjarri ishin nga mosha një deri në njëmbëdhjetë vjeç.
“Ata ndoshta ishin duke fjetur në momentin e zjarrit sepse nuk janë vonuar të kuptojnë se në shtëpi kishte zjarr. Shumica prej tyre u gjetën në krevat,” tha ai.
Discussion about this post