Tragjike/ Këngëtari i njohur humb partneren në ditën e tyre të dasmës (FOTO)

Ylli i “X Factor”, këngëtari Tom Mann ka zbuluar se e fejuara e tij Danielle Hampson ka humbur jetën të shtunën, mëngjesin e ditës së tyre të dasmës.

Këngëtari, 28-vjeç, ndau një homazhe prekës në rrjetin social Instagram, teksa zbuloi se dashuria e jetës së tij dhe nëna e djalit të tij tetë muajsh ndërroi jetë në orët e para të së shtunës. Kantautori  i cili gjeti famë në grupin “Stereo Kicks” ndau një fotografi të Danit dhe djalit të tyre Bowie teksa zbuloi se ndihej ‘plotësisht i thyer’, por u zotua të qëndronte i fortë për hir të djalit të tyre të vogël.

Danielle nuk vuante nga ndonjë problem shëndetësor i njohur dhe shkaku i vdekjes së saj nuk dihet.

Dyshja besohet se kanë qenë në lidhje që nga viti 2015, kur Danielle ndau postimin e saj të parë në Instagram me Tom. Ata njoftuan fejesën e tyre në dhjetor 2019, me Tomin që ndau një postim për ‘gruan e tij të ardhshme’ pasi ai i propozoi në një kafene në Londër.