Tragjike/ Këngëtarja e njohur humb jetën nga një sëmundje e rëndë në moshën 50-vjeçare

Është ndarë nga jeta në moshën 50-vjeçare këngëtarja e njohur Traci Braxton, motra e Toni dhe Tamar Braxton.

Lajmin e trishtë e ka bërë të ditur vëllai i saj, Toni, përmes një postimi në rrjetin social Instagram.

“Me keqardhjen më të madhe ju njoftojmë për ndarjen nga jeta të motrës sonë, Traci, e cila ishte një dritë e ndezur, një vajzë e mrekullueshme, një motër e mrekullueshme, një nënë e dashur, grua, gjyshe dhe një interpretuese e respektuar. Do të na mungojë shumë. Kërkojmë që të respektoni privatësinë tonë”, thuhet në këtë deklaratë.

Mësohet se, këngëtarja vuante nga kanceri i ezofagut, të cilin nuk arriti ta mposhte dot.

“Pas një viti që i është nënshtruar privatisht një sërë trajtimesh për kancerin e ezofagut, e dashura jonë Traci Braxton ka shkuar drejt lavdisë”, tha bashkëshorti i saj Kevin Surratt.

Traci ka lindur në prill të vitit 1971 në familjen e famshme Braxton.  Disa nga hitet e saj janë: “Last Call”, “Broken Things” dhe “Lifeline”.

Kujtojmë se ,Traci njihej gjithashtu edhe si një aktore.