Kosova vazhdon të regjistrojë shifra rekord të viktimave nga Covid-19 dhe rasteve të reja. Mediat e Kosovës raportojnë për tragjedi në një familje si pasojë e koronavirusit.
Dy vdekje brenda 24 orëve të fundit nga COVID-19 kanë ndodhur në të njëjtën familje në Turjakë të Malishevës.
Mbrëmë ka vdekur një grua 39-vjeçare, ndërsa sot në mëngjes edhe vjehrri i saj 68-vjeçar.
Një familjar i tyre ka thënë se ata kanë qenë të konfirmuar me COVID-19 dhe po trajtoheshin në klinikat e QKUK-së në Prishtinë. I njëjti burim bën me dije se asnjëri nga viktimat nuk ka qenë të vaksinuar.
