Një 52-vjeçar shqiptar ka rënë nga lartësia në vendin e punës, e për pasojë ka marrë lëndime të rënda. Mësohet se shqiptari u lëndua në vendin e punës teksa ishte duke montuar një papafingo kur rrëshqiti dhe ra në një lartësi prej gati 4 metrash.
Sipas mediave vendase, incidenti në punë ndodhi mëngjesin e së hënës 12 shtator, pak para mesditës, në via Fratelli di Dio, Cernusco sul Naviglio (verilindja e Milanos).
Në vendngjarje ka ndërhyrë ambulanca dhe policia lokale e Cernuskos ku nga përplasja në tokë, punëtori shqiptar, ka pësuar fraktura në kyçin e dorës dhe femurit. Ekipet e shpëtimit e transportuan atë në spitalin San Gerardo në Monza.
Sipas asaj që u rikonstruktua nga agjentët vendas, burri punonte në një firmë nënkontraktore dhe kishte ndërmend të montonte te kati i ndërmjetëm, kur për arsye ende të paqarta u rrëzua duke bërë një fluturim 3/4 metra. Fatmirësisht gjendja e tij nuk është e rëndë dhe ka qenë në vetëdije në momentin e mbërritjes së ndihmës.
Discussion about this post