Një aksident tragjik ka ndodhur në zonën Lassi Argostoli në Kefaloni të Greqisë, ku një student shqiptar, 17 vjeç është djegur në makinë për shkak të një aksidenti rrugor.
Mësohet se, 17-vjeçari shqiptar nuk ka arritur të zbresë dot nga automjeti, në të cilin udhëtonin dhe bashkëmoshatarët e tjerë.
Sipas dëshmitarëve okularë, mjeti ka qenë duke lëvizur me shpejtësi të madhe kur është përmbysur dhe është përplasur me shtyllat e vendosura në trotuar, përplasje e cila më pas ka shkaktuar shpërthimin në rezervuarin e gazit të makinës.
Sipas mediave të huaja, të gjithë pasagjerët ishin studentë të EPAL Argostoli, me origjinë shqiptare, të cilët janë në gjendje të mirë shëndetësore. Policia Rrugore e Argostolit ka nisur hetimet paraprake për zbardhjen e shkaqeve të kësaj ngjarje tragjike.
Discussion about this post