Një 73-vjeçar ka humbur jetën në mënyrë tragjike në Poliçan, teksa po shuante një zjarr të ndezur nga ai vetë por që i doli jashtë kontrollit. Mësohet se i moshuari, 73-vjeç gjatë tentativave për të shuar zjarrin është asfiksuar.
Sipas bluve, viktima e ngjarjes tragjike ka tentuar të shuajë i vetëm zjarrin pa njoftuar shërbimet zjarrfikëse dhe ato të policisë.
“Paraditen e sotme, në lagjen Lugas të fshatit Plashnik, Poliçan, shtetasi F. T., 73 vjeç, ka ndezur zjarr në ullishten e tij për të djegur mbeturinat. Zjarri i ka dalë jashtë kontrollit dhe është përhapur në sipërfaqe të madhe toke.
Shtetasi F. T. nuk ka njoftuar shërbimet zjarrfikëse dhe as ato të Policisë, por ka tentuar ta fikë vetë zjarrin. Gjatë tentativës për të izoluar përhapjen e flakëve, 73-vjecari është asfiksuar dhe për pasojë ka humbur jetën.
Pas njoftimit të marrë nga kryeplaku i fshatit Plashnik, në lidhje me ngjarjen, në vendngjarje kanë shkuar shërbimet e Policisë dhe ato zjarrfikëse.”-njofton policia.
Discussion about this post