Zyrtarizimi i Ousmane Dembele si lojtar i PSG-së, klub i cili ka ka aktivizuar opsionin e tij të blerjes prej 50 milionë euro, është tashmë vetëm çeshtje orësh.
Të enjten, anësori 26-vjeçar fluturoi për në Paris, për të finalizuar transferimin e tij dhe duke përjashtuar një kthesë të madhe, Dembélé do të jetë parizien.
Nëse shtypi spanjoll tregoi se francezi mund të jetë i pranishëm në stërvitje me PSG-në këtë të hënë, “Marca” pohon se ish-lojtari i Rennes pritet këtë të dielë për seancën stërvitore me klubin ‘Blaugrana’.
Është një situatë mjaft qesharake edhe nëse në gjendjen aktuale të gjërave, Ousmane Dembélé është ende një lojtar i skuadrës së Barcelonës. Dhe katalanasit do të përballen me Tottenhamin në kuadër të “Gamper Trophy” këtë të martë në orën 20:00.
Prandaj janë thirrur të gjitha forcat e pranishme katalanase dhe anësori francez nuk bën përjashtim nga rregulli, edhe pse e ardhmja e tij tani është e kthyer drejt Parisit.
Discussion about this post